金坊泰國美食

营业中

休息中

朋友成日同我讲去荃湾食泰国菜一定要去金坊泰国美食餐厅，所以今日就去咗兆和街间分店试吓。餐厅系大厦3楼，䢂门一打开，就有去咗泰国嘅感觉，真系怀念，而且餐厅里面嘅环境都十分宽敞。香茅蚝仔煲远处传来香浓嘅香茅味，就知道我哋叫嘅香茅蚝仔煲到啦。生蚝嘅size都唔细，足足有一寸长，够晒肥美，除了香茅之外，还加上很多香料和蔬果，如青椒、红椒、洋葱、芹菜和杂菇。味道香浓，但不会抢咗蚝仔嘅鲜味，值得一赞。铁板比目鱼因为怕多鱼骨，所以拣咗比目鱼。热辣辣嘅铁板上有两块手掌般大嘅比目鱼，而且十分厚切。比目鱼肉质很滑，鱼嘅油脂味浓郁，好好味，这个必试。马拉盏炒粉丝可以选择配上鸡肉、猪肉、牛肉或者杂菜，我哋就选择咗牛肉。炒得好有镬气，粉丝不会太碎和太干身，牛肉亦都够淋和有牛肉味，加埋马拉盏嘅香，真系食唔停口。