越一越南牛肉粉專門店 (已結業)

平日夜晚放工，攰到呕，真系想食餐好少少嘅。落荃湾转车，咁就顺便食埋晚饭先返屋企啦～～喺地铁站附近有太多选择，花多眼乱！行过力新地下，有间食越南野嘅，不如今晚就试下啦～～去到门口，刚好有人走，等一阵就有位～～原来佢哋有Gulu可以拎飞，咁下次食就方便喇～～都好多选择㖞，夜晚仲有餐可以order，唔错㖞～～Order杯饮品饮住先～～前：《椰汁红豆冰》后：《椰汁三色冰》两杯都唔太甜，味道刚好，不过如果可以多少少红豆会更好！《火车头汤河粉》浓浓嘅汤头，牛味几重，配上河粉好好味！𩠌嘅份量都几多，有牛腩、牛肉、牛丸、牛柏叶《生牛肉汤河》汤头一样浓，个人比较钟意配生牛肉，可能牛肉系浸熟，所以肉质keep到滑身，好味！Order多两款小食《扎肉蒸粉包》蒸包馅料够多，重点一定要配埋葱油同炸蒜一齐食更香口！《牛油蒜蓉鸡翼》炸得够干身，蒜味好够，唔会系死咸，肉质都算几嫩，味道不错！整体嚟讲佢哋嘅质素不错，款式多，而且价钱大众化，店员有问有答，礼貌真的算不错！值得一赞！