良辰吉時 (已結業)

难得嚟到荃湾区接阿肥收工食晚饭,专登留番小小位俾自己冇食到十成饱然后打开open rice揾呢间良辰美景嘅地址出嚟叫佢带我行过嚟,佢仲问我：「闩咗门未㗎?」我话：「未呀！open rice写住佢收十一点！」哗......喺荃湾住就好啦,出面普遍嘅台式饮品店都冇收咁夜。因为之前喺IG见到好多人都介绍呢间台式饮品店,我都要试吓佢哋嘅黑糖珍珠奶茶究竟系咩料子先～估唔到咁夜过到嚟都仍然有小小人堆喺度买紧,人气果然高企呢度啲嘢饮名宁舍趣怪我嘅目标就系呢杯叫做「啵爆黑糖厚鲜奶」,究竟点解叫啵爆呢?哈哈......买完飞等咗几分钟就有得饮喇第一下拎上手觉得底部好热,证明真系百分百现煮嘅黑糖珍珠,珍珠嘅份量超多,几乎占咗半个杯咁嘅高度,啖啖啜入口都一定会有食到,珍珠嘅质感烟韧之余亦都够腍,另外里面嘅黑糖味重得有啲过份,甜度犹如焦糖一样咁,不过饮得出入面真系有一啲粒粒粉状嘅糖粒,就算已经完全搅匀都一样可以饮到,我觉得呢个亦都系呢间店嘅特色之一,钟唔钟意就真系个人喜好嘅问题喇。除此之外店舖亦都系用日本明治鲜牛奶冲制厚鲜奶,所以奶味定必香浓,厚鲜奶打到起泡咁入口增添层次,呢一方面值得赞赏唯一挑剔嘅就系$36