皇茶冰室 (已結業)

今日去开荃湾有点野做，系荃湾有时都非常怀念果时食既椒盐猪扒饭，之后决定去皇茶冰室，其实间餐厅都几时尚，而且价钱又唔算太贵，所以之后会再去。【厚切椒盐猪扒饭$50+奶茶红豆冰($6跟餐价钱)】椒盐猪扒非常厚肉，但估不到肉质咁鲜嫩多汁，又不会干，入口又非常软淋，椒盐香味令我食欲大增，不错。奶茶红豆冰的奶茶味真系好香浓，茶同奶调较刚刚好，又不会奶味盖过茶味。再加上红豆一同吃，十分滋味。不错不错。【鲜茄焗猪扒饭$56】个焗猪黎喇，餐厅将原个焗盘𩠌上，见到盘边的酱汁仲热滕滕，再将饭面铺上了一层芝士，令鲜茄汁味道又不会太酸，厚切猪扒嘅肉质非常嫩滑，又不会太干仲要有肉汁。值得推介!!【椒盐鸡翼$30】我见有人叫椒盐鸡翼，卖相唔错，我们立即叫来食，来到之后真系好大只，炸得非常香脆，又不会好油，外皮又炸得非常干身，内里非常多肉汁流出来。