樺輝記 (已結業)

去大排档钟意食佢嘅地道风味同镬气，荃湾嘅桦辉记系晚上9:00 都仲仍然坐满食客，需要在餐厅门口街边位置再加多几张枱。边坐住等食期间，闻到劲香嘅镬气味，好有大排档嘅风味，未开始食都已经食指大动，我地两个人叫咗几道菜。✨砂锅粥 (2-3人份) $210我地叫咗个潮汕砂锅粥(细)，足够2-3人份，可以自选海鲜/肉类/海味，叫咗三款海鲜有鲜鱿鱼、海虾、蚝仔，粥有海鲜嘅鲜甜味道，粥底黏而不稠比例啱啱好。晚上天气凉凉地食粥够暖胃，每人都可以分到3-4碗。芫荽同葱会另外上呢点几贴心，唔够都仲可以添加。✨鲜甜卜卜蚬煲(细)$140卜卜蚬味道鲜甜全部都冇沙，蚬煲加入咗蒜蓉、辣椒、金针菇、芹菜等配料，食落味道非常惹味。✨酥炸蚝饼 $88蚝饼唔厚粉，蚝仔份量都好足冇腥味，新鲜炸起食落脆口，加少少鱼露食落香脆惹味。✨啫啫石锅芥兰 $76有肉碎同埋虾干，咸香味香浓够惹味，芥兰爽口冇苦涩味。