沐白小農 (已結業)

荃湾近杨屋道有条食街(豆腐花好平个度)，成日都有唔同既小食店/特色野进驻，而最近几年台饮风愈来愈劲，系香港开到成行成市，呢度都唔例外，今日我行过呢头，净系呢条街都数到4,5间，有d我都饮过，但呢间就真系最近先见有，应该系新野，所以都唔谂买返几杯同我fd试下，试完都几好值得介绍下比大家饮品种类都算多，岩唔同口味既大家唔知饮咩好既我地，我就试佢店铺推介既头三杯😂3杯望落都几好咁大甲芋头鲜奶、黑糖波霸鲜奶、珍珠红茶拿铁黑糖波霸鲜奶既黑糖花纹好靓，底部暖暖的珍珠，就知佢系煮好就上，饮前记得摇匀，唔系就上冻下暖~ 而佢既珍珠系用台湾的黑糖及珍珠熬煮2小时，有香甜浓浓黑糖味，珍珠都好烟韧Q弹，口感十足，我朋友都话佢杯珍珠红茶拿铁既珍珠好食，而且红茶都几香醇而大甲芋头鲜奶材料好多～～差唔多一半都系芋头粒及芋蓉，之后搭上一半鲜奶，未饮已经觉得味道一定浓郁。而饮之前，3杯望落都有渐层效果，而呢杯我觉最特别，最底系芋头肉，中层系芋蓉，顶层系鲜奶，都系记得要的摇匀才饮，饮落好绵滑香甜。