DENIM CAFE (已結業)

难得有次经过福来村附近，发觉开左间新餐厅，于是今日拉埋啊妹陪我去试。虽然是礼拜日，但是餐厅仍然未full ，所以马上入座。员工好快就递左杯暖水比我，细心，值得一赞。成间舖最大嘅特色就是充满牛仔风格，估计是老板个人的喜爱。从间舖出面嘅装修，到内部装修，牛仔嘅饰物，有个风铃，墙上嘅装饰品，几得意。冲咖啡的bar台下面，都有牛仔布作为装饰。每一个装修，都看到细节，欣赏这类型的餐厅。老板可能系设计出身，因为每一个细节都充满设计感觉，就连饮筒嘅包装纸，都会印上餐厅的名字，餐具都是好有质感嘅。食物方面，汉堡包的肉趴有汁，几好味。烧春鸡就真系半只，配蜜糖汁，卖相很吸引。个人觉得蜜蜂蜂蜜唔系一般超市买个只，系真系浓啲蜜糖，使得出蜂蜜味，似我屋企嘅蜂蜜。如果换过另外一个汁，可能同只鸡更加夹。座位方面，空间十分舒服。如果系同朋友来，估计可以stay几个钟，适合catch up。最后仲有甜品，唔知系送嘅定系本来个餐有，甜品系red velvet cupcake,  几唔错嘅甜品。整体来讲，设计吸引认真，员工都好nice, 性价比都高，下次会带朋友来试试咖啡。身边的咖啡控太多，咁就可以一齐来食下野倾下计。