饞。台式食堂 (如心廣場二期)

营业中

休息中

星期日lunch去咗荃湾一间台式料理，见好多人排队貌似唔错。餐厅环境光猛整洁，店员服务几好👍🏻 海鲜芋头米粉汤 $88呢碗米粉配𩠌几丰富，有海虾，鱿鱼，大量肉碎，菇，米粉份量好多，清淡得来又唔会完全冇味。配咗台式酸辣汤，汤里有豆腐丝，木耳丝，质地浓稠，酸酸地但冇咩辣味。盐稣鸡$66 +$10 转卤肉饭盐稣鸡粒好脆口，有小小焦香味，份量都几多，仲好大粒。而卤肉饭就好有台式风味，卤肉味道酱香味浓。拣咗配甜品系青柠爱玉冻，酸甜冰凉，正可以中和一下口中嘅肥腻。手工黄金泡菜$25韩国泡菜就食得多啦，台湾泡菜好似好小食。好似比韩国泡菜更好味。清脆爽口嘅口感同滑顺嘅酸味，令我一食就爱上了。珍珠奶茶 跟餐$14男朋友话珍珠奶茶几有台式风味，唔会系死甜味。蒟蒻球白桃乌龙 跟餐$12乌龙茶味浓香，加上蒟蒻球嘅烟韧弹牙，饮落带有一点口感。