你妳 (運通洋樓) (已結業)

路德围贵为美食天堂，当然要试多几间唔同餐厅，今日就约咗朋友去试呢间台式餐厅你妳～呢间餐厅以小清新风格作为装潢主题，十分舒适。芋泥吐司作为佢地嘅招牌，一定要嗌一份试试～今次同朋友拣咗肉松芋泥吐司，一拎上手真系比份吐司辣亲手咁款！仲要芋泥同肉松多到就嚟要逼爆份吐司，芋泥有淡淡芋头味，好绵密细致！肉松好松化，面包好明显有搽牛油烘过脆卜卜，十分出色～不过建议各位朋友仔一人食半份就好啦，因为要留肚试多几款菜式～主食方面我地拣咗台式卤水鸡扒鲁肉饭便当，卤水鸡扒好厚身，咬落去颇滑身，唔系好咸味道适中。另外我地都点咗个芝士玉米蛋饼，个蛋饼系酥皮底，煎得非常香脆，中间嘅芝士就嚟爆出嚟咁！再配上佢个少少甜嘅酱汁，真系食唔停，差啲一个人食咗成份！本身仲想试佢地个芋圆，但食完以上嘅野食已经饱到食唔到，唯有下次再同朋友嚟试啦！