雄記粉麵 (已結業)

今次想食地道平价粉面，黎到荃湾呢间雄记，就系路德围个两间豆腐花舖对面，食完仲可以系隔黎扫街同买珍珠奶茶饮，呵呵呢度最出名当然系鱼肉春卷啦，我嗌左春卷牛腩米（虽然餐牌上好似无呢个配搭但都照有得嗌哈哈），朋友嗌左春卷贡丸河。春卷果然好味！两大条够份量，肉又结实又好味，非常满意！记得之前食亲啲春卷通常都比较细条，春卷黎讲呢度真系我食过最满意的 🤩 与此同时牛腩都好好食，系好结实既口感，重牛味，系唔知点解我个碗好似无乜腩汁，反而我朋友个碗无牛但系有嗌腩汁就有色好多 lol 下次嗌返先哈哈。冻奶茶都好饮，而家越黎越少饮到茶餐厅式既冻奶茶lu，连锁店既真系比唔上！Overall 好满意！下次去开荃湾都会谂再食 😊