泰Grill (享和街)

荃湾新开左间泰国野，都几有人气，建议大家可以预先book台!炸虾饼经常食泰国野都会叫既小食，欣赏呢到系热辣辣上台，炸到好脆口，食落好惹味。飞天通菜个份量多到有D惊人! 好大碟! 辣度可以选择少辣，岩晒唔太食得辣既我。呢到沟左面豉去炒，几香口，又几好食。通菜唔会炒到淋晒，食落口仲系爽身。香叶肉碎煎蛋饭肉碎份量好多，香菜味突出，捞饭食一流。仲有个精髓㶶边蛋，一吉落去，即刻有流心蛋黄，好正。芒果糯米饭芒果好甜，有齐黑白糯米饭，配埋甜甜地既椰浆，系一个好满足既甜品。冻泰式奶茶最有惊喜系呢到有得去冰，岩晒女士! 而且仲可以根据个人口味落单，多奶少奶又得。最后出到黎系我好钟意既口味!泰式柠檬冰绿茶第一次饮呢款，系其他餐厅都好少见。饮落好清新，几岩夏天。