影片
更多
2021-10-21
903 浏览
今日同朋友行开荃湾见到间新间嘅韩国餐厅就走左入去试下。佢哋用不锈钢嘅餐具， 有种去咗韩国嘅感觉。枱上面已经有一壶凉水可以自己斟嚟饮，一坐低侍应已经好快放低左四碟前菜，有芽菜泡菜青瓜同腌萝卜，当中最钟意腌萝卜，系平时食炸鸡最钟意配嘅酸萝卜，非常开胃，前菜仲可以Refill！因为见Menu 叫是旦一样嘢都可以加钱就有嘢饮，原价$36嘅特色饮品净系加$18就得，喺而家台饮都唔只三十蚊嘅情况下真系几抵。叫左杯益力多乳酪沙冰，估唔到黎到个样同menu居然一样，有忌廉仲有薄荷叶装饰，超级igable。 味道冇因为佢系沙冰而淡咗，饮落依然咁浓郁，乳酪嘅香浓配埋上面嘅微甜嘅忌廉别有一番风味。饮住杯嘢等咗冇耐食物就好快到，因为得两个人，所以我哋只系嗌咗半份蜂蜜柚子味炸鸡$86，炸鸡新鲜热辣咁嚟到，上面淋住一啲甜甜辣辣嘅酱汁，食落好惹味，不过食嘅时候要小心啲，如果唔系好容易烫亲个嘴， 虽然唔系无骨嘅炸鸡，但系骨嘅份量都唔算多，食落依然系啖啖肉。仲叫咗个泡菜煎饼$68，泡菜煎饼比较薄所以个边位会煎得特别香脆， 有啲似中式嘅薄撑，但系多咗啲烟韧嘅感觉，美中不足系泡菜味唔够重，不过可以自己DIY加啲泡菜上去。之
佢哋用不锈钢嘅餐具， 有种去咗韩国嘅感觉。枱上面已经有一壶凉水可以自己斟嚟饮，一坐低侍应已经好快放低左四碟前菜，有芽菜泡菜青瓜同腌萝卜，当中最钟意腌萝卜，系平时食炸鸡最钟意配嘅酸萝卜，非常开胃，前菜仲可以Refill！
因为见Menu 叫是旦一样嘢都可以加钱就有嘢饮，原价$36嘅特色饮品净系加$18就得，喺而家台饮都唔只三十蚊嘅情况下真系几抵。叫左杯益力多乳酪沙冰，估唔到黎到个样同menu居然一样，有忌廉仲有薄荷叶装饰，超级igable。 味道冇因为佢系沙冰而淡咗，饮落依然咁浓郁，乳酪嘅香浓配埋上面嘅微甜嘅忌廉别有一番风味。
饮住杯嘢等咗冇耐食物就好快到，因为得两个人，所以我哋只系嗌咗半份蜂蜜柚子味炸鸡$86，炸鸡新鲜热辣咁嚟到，上面淋住一啲甜甜辣辣嘅酱汁，食落好惹味，不过食嘅时候要小心啲，如果唔系好容易烫亲个嘴， 虽然唔系无骨嘅炸鸡，但系骨嘅份量都唔算多，食落依然系啖啖肉。
仲叫咗个泡菜煎饼$68，泡菜煎饼比较薄所以个边位会煎得特别香脆， 有啲似中式嘅薄撑，但系多咗啲烟韧嘅感觉，美中不足系泡菜味唔够重，不过可以自己DIY加啲泡菜上去。
之后人参鸡汤$88就到啦，估唔到几大煲，里面居然有一条都几长嘅人参，而且里面仲有成只鸡嘅鸡肉，喺稍微转凉嘅天气，饮返啲暖笠笠嘅鸡汤就最适合啦。鸡汤嘅味道好够浓，饮到人参嘅甘甜，仲有一啲煮到好软绵嘅糯米同栗子，红枣食落都几甜下。比较特别嘅位系侍应仲畀左一兜芝麻油盐，可以加落个鸡汤度，令到个汤嘅香味更有层次。
一餐圆满嘅韩国菜当然唔少得甜品啦，叫咗一个抹茶戚风蛋糕$32同传统煎糖饼$58
叫咗甜品后上,所以煎糖饼嚟到嘅时候仲系热辣辣，里面嘅糖馅切开仲会有流心嘅效果，食落除咗有红糖嘅香气，仲有肉桂味，外皮咬落烟烟靭靭。佢仲有配雪糕嘅版本，下次会想试下。
抹茶戚风蛋糕嘅卖相都好吸引，虽然抹茶味唔算好浓，但系配嘅忌廉好香牛奶味，戚风亦都好松软。整体嚟讲呢间餐厅嘅性价比唔错, 见到隔离枱叫咗韩式粉丝嚟到超大碟，仲要晚市都冇加一，系同朋友倾计食饭嘅好地方。
张贴
