BnR (已結業)

荃湾广场对出好多嘢食嘅一条街，冇人不知嘅大坝街，装修非常文青但原来系食中式粉面饭，细心留意餐厅天花旁有几只珍藏版bebrick装饰，有格调嘅新式米线泡饭店!夜晚想平平哋食又想坐得舒服选择，呢度系一个非常之好嘅选择！lunch time仲有set lunch 好抵食，唔使+1之余仲有嘢饮。🥣花胶鸡鱼汤泡饭鱼汤清新，食得好舒服，一拎上嚟见到好大碗满满嘅鸡肉，仲有三大块花胶！鸡肉嫩滑，系有鸡味嘅鸡肉，卖相新鲜，配菜有芫荽、腐皮、云耳，唔食芫荽葱嘅可以点餐嘅时候剔走，细心嘅落qr code 落单设计。份量非常之多，因为拣咗花胶所以贵啲，如果冇花胶鸡肉鱼汤饭只系五十零六十蚊，仲要系set，真心推介。🥤冷泡菊花蜜加几蚊可以选择特色饮品！佢哋有一系列自家制嘅茶饮，樽盖上边将都有埋佢哋嘅logo ，用心！清新有层次嘅菊花蜜，食完个泡饭感觉好舒服，再加埋个清新嘅菊花蜜，非常舒服嘅一餐。✨️职员非常亲切， 主动提示lunch time有set可以嗌，唔会赶你埋单，加上地点非常方便，荃湾广场戏院后门一出过对面马路就系，夜晚同朋友睇戏食饭想食经济啲又坐得舒服，BnR是一个好选择。👍