廿一前 (已結業)

大鸿辉中心喺香港人心目中都系出名多美食，虽然而家疫情未过，但呢度嘅电梯大堂依然系人头涌涌。位处顶楼嘅廿一前，等候人流依然络绎不绝，可见人气十足。火锅汤底有免费，亦有另外加钱嘅选择，我加咗$98试咗个养生花胶鸡汤，另外加$98搭配一个黑松露牛乳汤。花胶鸡汤个人十分钟意，入面有超多嚿花胶，胶质十足，鲜鸡牙出嚟嘅鸡汤不浓不淡，作为汤底平行得非常好。黑松露汤就比较重口味，个人认为甚至乎唔需要点豉油。想任食呢度嘅牛肩胛同埋海鲜每位要加$128，个人认为都十分值得去加，雪花满满嘅牛肉非常抢眼，另外牛肩胛嘅牛味十分突出，有别于一般肥牛，口感亦非常爽口。呢度嘅海鲜拼盘种类就有生蚝，海虾，带子同埋墨鱼仔，真系每一款都系热门嘅海鲜选择。