M Kitchen (已結業)

以前住荃湾嘅时候都成日留意到有新餐厅开业，自从上年搬离呢个社区，都甚少再返嚟。今日晏昼约咗屋企人食个午餐，佢哋提议去一间开业冇几耐嘅餐厅食饭，I mean why not?估唔到屋企人拣嘅餐厅质素都唔错，装修非常简洁，环境气氛几好，令人好舒服。店舖门外有张牌写住为香港人打气，有自家制嘅饮品免费赠送，而家呢个社会氛围底下，有一啲良心餐厅嘅窝心举动实在比到好多正能量人。今次试咗一个番茄浓汤乌冬，用咗一个石锅上菜，将蕃茄汤嘅温度keep住热之余，仲好似火锅咁可以灼牛肉。锅入面有一整个蕃茄，味道鲜甜。放埋乌冬入去一齐煮一阵，令人非常满足。食完之后唔够喉，仲叫咗一个甜品。好耐都冇食过窝夫，叫咗一份，味道都唔错，仲有唔同嘅生果配衬，上面仲有一球大雪糕，食完真系饱足感满分！