越男仔 (已結業)

荃湾最近开咗越男仔分店，之前已经喺旺角食过佢哋嘅越南粉非常之好味，生牛肉煮到刚刚好。今日系荃湾行完街，就带妈妈去食下。虽然越男仔主打PHO, 但佢都有其他款式选择。特别系饮品同小食好多款式拣。好有越式风既室内设计。火辣蒜椒鸡扒拼脆猪肉捞檬 鸡排肉质鲜嫩，猪肉够爽脆，自己加越式酱料去捞晶凝通透爽嘅檬粉，无得叹。 跟餐仲可加乳酪三式冰，都只是29元超抵食。越式窝蛋火车头河粉河粉晶凝通透，够大碗。最好是牛丸，超爽口弹牙，仲有生牛肉、牛筋、牛柏叶、烤牛肉。喜欢食牛既，超满足。 最正系跟餐可叫乳酪越式三色冰/新鲜水果茶。冰冻新鲜水果茶 水果茶不甜、超多波萝粒，酸酸甜甜，好开胃，夏天必点。滋味乳酪三色冰正常甜味，不会太甜、乳酪做嘅三色冰真系第一次见好有创意。估唔到咁match好好饮，又健康。