燒皇燒烤專門店

营业中

休息中

朋友想食串烧我想食鸡煲，就拣左呢间烧皇食晚餐，有齐串烧同鸡煲选。近排食得太多麻辣鸡煲，今次就试下椰子鸡煲。店员一奉上第一个感觉就系也太多肉了吧，只系嗌左半只鸡既肉已经好full，吾会好似有啲店用啲头颈位滥竽充数，反而胸位髀位都多，我谂佢本身只鸡都大只所以半只既肉都好多。椰子鸡汤底十分清甜，鸡都好滑，仲有啲雪耳红枣等等补身既材料。一边食鸡煲都陆续送上点左既串烧，其中茄子最吸睛，超级长！面头既蒜相当惹味香口，烧得刚好熟透！鹅肝多士都几抵食，多士烘得十分香脆！另外仲嗌左啲丸同菜做火锅配料，清甜汤底滚完既菜特别甜呢！烧菠萝好甜，最岩最后食当甜品～