影片
更多
2020-09-03
580 浏览
难得星期五禁晚市堂食解禁, 星期日就嚟黄店庆祝吓。入店前, 梗系要量体温啦, 量完体温, 用消毒酒精消毒完对手之后, 由店员安排进店, 虽然舖仔细细, 店内只有五六张枱, 但真系估唔到有好高质素嘅食物。我同 P San 每人点咗一样嘢食同一杯饮品, 仲有每人一份甜点。 首先嚟到嘅系慢煮牛 Bagel。 店家好细心, 个 Bagel 送到嚟嘅时候已经帮我哋砌开咗一半, 方便我同 P San 进食, 由于个 Bagel 唔算细, 我都系用刀叉砌嚟食。 望落去好饱满, 当然有主角慢煮牛啦, 当中仲有生菜、生洋葱、芝士片, 我一砌落去, 外面仲有少少脆, Bagel 入面软软的, 食落原来 Bagel 入面仲搽咗层 cream cheese, 令到本来看似平平无其嘅 Bagel 更香更浓味, 而牛肉方面亦好出色, 不但有牛味, 慢煮牛当然系唔韧, 亦都几 juicy, 食落有惊喜。而 P San 点嘅 Egg Benedict 亦令到 P San 有惊喜, 平时 P San 好少叫有芝士嘅食物, 因为怕会好滞好腻, 但喱个 Egg Benedict 唔会, P San 竟然觉得配搭得恰到好处,
入店前, 梗系要量体温啦, 量完体温, 用消毒酒精消毒完对手之后, 由店员安排进店, 虽然舖仔细细, 店内只有五六张枱, 但真系估唔到有好高质素嘅食物。
我同 P San 每人点咗一样嘢食同一杯饮品, 仲有每人一份甜点。 首先嚟到嘅系慢煮牛 Bagel。 店家好细心, 个 Bagel 送到嚟嘅时候已经帮我哋砌开咗一半, 方便我同 P San 进食, 由于个 Bagel 唔算细, 我都系用刀叉砌嚟食。 望落去好饱满, 当然有主角慢煮牛啦, 当中仲有生菜、生洋葱、芝士片, 我一砌落去, 外面仲有少少脆, Bagel 入面软软的, 食落原来 Bagel 入面仲搽咗层 cream cheese, 令到本来看似平平无其嘅 Bagel 更香更浓味, 而牛肉方面亦好出色, 不但有牛味, 慢煮牛当然系唔韧, 亦都几 juicy, 食落有惊喜。
慢煮牛 Bagel
$65
24 浏览
0 赞好
0 留言
而 P San 点嘅 Egg Benedict 亦令到 P San 有惊喜, 平时 P San 好少叫有芝士嘅食物, 因为怕会好滞好腻, 但喱个 Egg Benedict 唔会, P San 竟然觉得配搭得恰到好处, 满满嘅芝士覆盖住只半熟蛋, 而蛋下面有一块烟肉, 最底仲有一块烘得脆脆嘅法包 (我估系啩 😅), 淡淡嘅芝士味唔会盖住蛋香, 而烟肉为法包同蛋增潻少少咸味, 又唔会过咸, 真系配搭得非常之好, 碟边仲配有菠菜加黑甜醋、 健康嘅藜麦同烟三文鱼, 真系好满足。
Egg Benedict
$78
27 浏览
0 赞好
0 留言
咖啡亦系另一亮点, 因我本身唔多好咖啡, 因为唔钟意佢有苦涩味, 但嚟到 cafe, 当然要点咖啡 chill 吓啦。 我点嘅系热玫瑰咖啡, 闻落有淡淡玫瑰香同咖啡味, 饮落咖啡味香浓, 但无我唔钟意嘅苦涩味, 亦都唔会太甜, 我非常喜欢, 而 P San 点嘅冻焦糖咖啡亦好好饮, 有些少焦糖香味, 又有香浓咖啡味, 同样唔会太甜同无苦涩味, 真系唔错。
热玫瑰咖啡 & 冻焦糖咖啡
$3
18 浏览
1 赞好
0 留言
最后到甜点。 店家对自己嘅甜点非常有信心, 只有三款分子甜点, 而且佢哋嘅名都好简单, 以佢哋嘅外表嚟命名同埋只得一只字, "石"、 "蕉" 同 "蛋"。 我同 P San 点咗 "蕉" 同 "石"。 "蕉" 外观系一条香蕉剥开咗一半平放喺碟上, 上半部系半条香蕉肉, 蕉皮系用白朱古力做成嘅脆皮, 蕉皮入面包住云呢拿雪糕, 旁边仲有一个热嘅朱古力班戟； 香蕉肉方面, 我估店家系有拣过, 用比较熟嘅, 所以香蕉肉香甜唔会酸酸咁, 而白朱古力外皮又唔会太甜太腻, 入面嘅云呢拿雪糕食落好香同好重云呢拿味, 令人一食想再食, 朱古力班戟方面, 用朱古力味班戟皮包住香浓朱古力馅, 朱古力馅一啲都唔甜, 仲有好香浓朱古力味, 我估系用纯朱古力或者 dark chocolate 做嘅； P San 点嘅 "石", 应该系用 mousse 整成外层石头嘅形状, 入面包住红桑子酱, 酸酸甜甜, 好开胃, 而 "蕉" 同 "石" 伴碟同样都系用上红桑子、蓝桑子同蓝莓, 再加上少少好薄嘅朱古力脆片, 增潻口感同平衡返啲甜味, 但相比起 "蕉", "石" 嘅味道同外形上都较失色。
蕉
$55
28 浏览
0 赞好
0 留言
石
$55
27 浏览
0 赞好
0 留言
食完喱餐, 总括嚟讲真系令我哋有惊喜, 估唔到小店都有咁出色嘅水准, 食物已经令我哋觉得好美味, 而甜点外形同味道上更令我哋感受到店家用心制作, 价钱亦非常合理, 真系良心小店。
张贴
