WM Café & Bar (海之戀商場)

营业中

休息中

假日梗系要带主子们出外走走。荃湾除咗南丰纱厂外, 都冇乜比较好同舒适O既餐厅同狗狗们用餐。 不过近来好多狗友都推介呢间餐厅，话有户外位置可以带埋狗狗一齐用餐，所以我哋二话不说就即刻GOGOGO。去之前我有打电话去餐厅确认系咪真系有户外位置可以带埋狗狗一齐去，店员确认之后我就顺便book埋位。(提提你：去之前最好都打个电话确认一下)去到同店员确认左Booking之后，店员请我地行隔离商场通道去户外位置，带住狗狗系唔可以经餐厅入去嘅。入到去, 发现原来户外都几多位。我地被安排坐O系靠边位。LUNCH 好多选择! 餐汤我叫左忌廉龙虾汤 (右), 好浓味! WM安格斯牛肉芝士汉堡配薯条老实讲, $65 可以食到汉堡我觉得算平, 而且性价比高。薯条份量多, 中间块肉好JUICY! 香煎牛柳配红酒烧汁饭呢个等左15 分钟左右先到, 都几好食! 不过少少贵! 餐厅户外环境都几好, 店员照顾周到, 唔会忽略左。下次会去试晚餐。