滾兩滾火鍋料理 (已結業)

成班朋友睇完戏，行过对面曹公坊，见到一排食肆，全部都是吃火锅的，好吸引，其中一间门口特别光猛，门口有个大鱼缸，就吸引左我哋入去。呢间火锅店，除咗打边炉之外，仲有刺身食，荃湾真系好少有呢啲铺头。我自己最钟意食火锅，又钟意食刺身，啱晒。我哋先叫咗一个活鱼刺身做头盘，睇住师傅即叫即㓥，都只系百零蚊，另外再叫咗一个刺身拼盘，都系一百蚊，真系好抵食。食过刺身，叫咗个猪骨窝，用料非常新鲜，而且材料十足。牛肉选择亦非常之多，有本地牛，美国肥牛，仲有日本牛添。美国牛肩脊做紧特价，百五蚊，大大碟，非常抵食，而且非常鲜味，不会比本地牛差，我哋10个人，足足叫咗四碟。其他嘅火锅材料都非常新鲜，虾滑同墨鱼滑都系手打，鲜味十足，个老板话佢哋啲滑，系冇沟猪肉同面粉，其他地方好少食到。炸响零同埋炸鱼皮，都系即叫即炸，仲有炸虾丸，正。另外有朋友话想食龙虾，用嚟打边炉好似好浪费，于是问伙计可唔可以熟食，佢二话不说就话可以，原来佢哋都有做小菜，一般要预订，不过如果有材料，佢哋都可以即做，于是就用蒜蓉蒸左两只龙虾，见到都系即叫即㓥，都只系二百几蚊只，之前喺旺角食，价钱贵一倍。差啲忘记讲，佢哋有好多清酒选择，价钱都系好合理，