越味皇 (已結業)

去到已经好肚饿，所以一上菜就忍唔住食咗，所以张相系食咗一半先补影。我叫左个生牛肉汤河呀，上台时牛肉片都仲系生生地嘅，自己再将啲牛肉浸落汤度碌一碌佢就食得，咁样啲牛肉就唔会太熟，牛肉片嘅数量大约有五六片，汤河嘅份量都算多，我个人比较钟意加埋捞檬嘅汁落去一齐食，酸酸甜甜咁样比较开胃。汤河仲配左¼个青柠仔同埋一啲辣椒粒，可以因应个人口味加落去。仲叫咗个牛油蒜蓉鸡翼，因为即叫即炸，所以需要啲时间，大约15至20分钟，炸浆有啲厚但系非常之脆，上面铺左满满嘅蒜蓉粒，非常之香口，如果可以冇咁油嘅话会仲好味。呢度嘅饮品选择种类都几多，套餐附送嘅饮品都几特别有薏米水，咸柠桔水，咸柠水。最后仲有甜品送，应该系斑兰糯米糕，但比较淡味，麻麻地。