蝦麵店 (荃新天地) (已結業)

又到优闲既星期日, 瞓醒去咗近近地荃新天地行下街, 未食野梗系医咗肚先, 想食面就喺openrice揾下有咩餐厅, 好耐无食娘惹菜就拣咗"虾面店"。我地叫咗个槟城寻味二人套餐, 除咗有两碗面, 仲有小食, 前菜沙律, 甜品同饮品等, 都有几多野食。🔸咖哩喇沙海鲜掺掺好香咖喱味, 拣咗掺掺有油面加米粉, 有青口虾蟹柳鱿鱼豆卜芽菜等等, 少少辣够哂惹味。🔸辣味虾汤虾肉肉骨掺掺汤底够哂浓郁, 加埋虾肉同肉骨茶既肉骨, 感觉好似去咗马来西亚咁, 肉骨一食就离骨好淋同入味。🔸香炸鸡翼同沙嗲鸡髀肉串鸡翼炸徥香脆, 肉质嫩滑。 用得鸡脾肉够嫩滑, 沙嗲汁似自己整, 劲多花生粒, 好惹味。🔸秘制啰吔名字好特别, 第一次品尝, 有脆油炸鬼, 苹果, 菠萝, 花生粒, 小虾米, 加埋独特既酱汁, 确实系几开胃。🔸是日油菜我地拣咗通菜, 虾酱超浓味。🔸亚参脆多士 & 桔子香茅冻亚参有点咸咸甜甜咁几得意, 而桔子酸酸甜甜我又几钟意食, 原来香茅用喺甜品又几好味👍