八月茶室 (南豐中心)

营业中

休息中

很久没去南丰中心2楼，今日上去望吓，原来开咗间新嘅餐厅叫「八月茶室」，餐厅装修光鲜，用上大量木质材料，感觉温暖和干净。再望吓个餐牌，食物嘅选择超多，西餐、广东菜和川菜都有，立即入去试吓，果然冇令我失望。招牌酸菜鱼我哋两个人叫咗个小嘅酸菜鱼，鱼嘅份量比我哋想像多。先试吓个汤底，酸辣度适中，味道不单止又麻，又辣，层次之丰富绝对比得上大陆人气嘅酸菜鱼店。跟住试吓鱼肉，肉质嫩滑，不易夹散，够新鲜，真系冇得输。原来还附上薯粉，呢个价钱来讲，性价比极高。芝麻黑糖醋骨糖醋骨嘅份量也是十分之多，糖醋骨外层炸得松脆，但不油腻，内层肉质幼嫩，火候控制得好好。味道酸酸甜甜，好醒胃，食完一旧，就好想食第二旧，停唔到口，用嚟送饭一流。龙凤七喜咸宁+柠檬+7喜，真系绝配。食完辣嘢，再大大啖饮一口，感觉超爽。