龍鳳食堂

营业中

休息中

今日远赴荃湾同朋友做gym，gym之前当然要食返一个丰富既早餐，朋友系荃湾居住同返工，所以带咗我去佢平时返工帮衬嘅工厂区茶餐厅。虽然餐厅位于工厂区，但环境算好干净，面积几大👍🏻早餐选择非常多，甚至茶楼点心例如糯米鸡同萝卜糕都有，价钱都好实惠。- 鸡扒配炒蛋+茄汁豆鸡扒几大块，比得上平时午餐鸡扒饭既size，外皮香脆。炒滑蛋方面正常水平，加埋真系茄汁豆好满足。- 牛扒配炒蛋+茄汁豆牛扒套餐比起鸡扒餐贵$2，但系物超所值，size仲大块过鸡扒，牛味香浓之外肉质唔会太老，啖啖肉又好容易咬开。面包烘底都十分香脆，加埋牛油真系好吸引🤩- 香煎猪扒出前一丁猪扒好大块，肉质软稔唔会好难咬开。出前一丁煮得啱啱好，口感弹牙。跟餐有火腿奄列或萝卜糕，我拣左前者，入面有劲多火腿，另外仲有牛油方包，烘底之后更好味。饮品方面，我叫左红豆鸳鸯，佢同红豆奶茶同红豆咖啡一样都要加$8，鸳鸯系茶餐厅独有饮品，加左红豆增加少少甜度。朋友就叫咗冻斋啡，食完真系充满力量去做gym。