龍鳳食堂

营业中

休息中

屋企附近原来一直有一间工厂区嘅茶餐厅，啲嘢食价钱好亲民，同埋都好多人食，次次中午叫亲嘢食落去拎，都见到有好多外卖，我之前都已经早餐叫过好几次外卖，对比起附近几间茶餐厅真系平靓正。佢哋个餐牌真系太多选择，有选择困难症嘅人真系应该几难拣到食咩，我今次试吓XO酱猪颈肉炒乌冬，XO酱味好浓郁，猪颈肉好淋，啲公仔面好弹牙，整个份量都好多。杯冻红豆奶茶唔太甜，红豆杯粒粒劲多，饮完唔会好口渴。另外叫左个中式芝士烩鸡扒饭都算系比较特别嘅餐牌佢知士餐牌入边有好多唔同嘅款式，有鱼鸡猪仲有虾，啱晒唔同口味既人。呢个鸡扒份量都一样大份，可能始终都系俾工厂既人士食，真系要食饱啲🤣同埋好多人会嚟食下午茶。最后埋单都系$119 ，真系抵食夹大件。