泰玖

营业中

休息中

早排ViuTV 有介绍呢间餐厅，门口好低调，绿色灰色水泥墙，唔讲唔知入面系食泰菜，餐厅入面楼底好高，有分成两层，下面果层系bar枱，可以睇到水吧冲野饮😙楼上系卡位。可能ViuTV 介绍完，食食下见门口愈来愈多人等位。今次我地被安排坐bar枱。🦀泰式软壳蟹金柚沙律$88软壳蟹炸得香脆，整个沙律好开胃，金柚好甜，洒上腰果、炸蒜、虾干等配料，下底有椰菜垫底，淋上酸甜沙律酱，好开胃！🐔泰式青咖喱鸡$88海鲜同咖喱系呢间舖头嘅主打！由于我哋唔食海鲜，所以今次叫咗咖喱鸡，青咖喱唔辣，但系同样有椰香又惹味，入面有泰国茄子同豆角，鸡肉好滑。🍞泰玖金砖蒜蓉包 $42我见枱枱都点，我地都跟住点。金黄色嘅蒜蓉包香脆又有蒜香，用嚟点咖喱汁简直是绝配！🥬飞天通菜少油$78有少油option拣紧系少油啦，冇咁肥呀嘛，通菜正常发挥，上面有好多炸蒜，又香又爽口。🐷泰式干炒猪肉河粉$108猪肉腌得入味，河粉唔会好油，要剩热食，否则河粉会黏埋一旧。🥤饮品（除椰青）做紧买一送一优惠，青柠梳打$38，泰式奶茶$38。