三本目 (富麗花園)

营业中

休息中

呢间寿司刺身小店专做外卖, 放工时间见好多打工仔去买外卖, 见佢有唔同嘅饭丼, 刺身, 寿司可以拣; 刺身新鲜大件厚实, 价钱都十分实惠, 我点咗两个饭丼返屋企共享, 落单后大约10-15分钟就可以攞啦, 外卖仲加埋干冰袋, 保持新鲜冰感。极上刺身丼 - $108极上刺身丼有油甘鱼, 大赤虾, 三文鱼, 带子, 三文鱼籽; 原只大赤虾同厚切刺身排到靓靓系饭面, 见到都兴奋, 佢每款都有2件, 样样都好新鲜, 又有口感, 三文鱼籽啲颜色好靓, 好有光泽, 将三文鱼籽捞饭, 真系好满足呀!三文鱼亲子丼 - $68啲三文鱼籽粒好多又大粒, 三文鱼都好多, 新鲜鲜甜, 仲有青瓜粒及玉子粒, 啖啖都食饭加𩠌, 色彩缤纷, 真系好正。丼饭仲会附送三文鱼味僧汤, 食完饭暖暖胃一流。