影片
更多
2024-12-17
632 浏览
呢晚嚟咗荃灣呢個商場食晚飯，搵咗呢間平民貼地cafe食西餐 。餐廳有唔少套餐可以選擇，不過呢日唔算好餓，所以就同友人散叫，share嚟食🤗WM巴馬火腿蜜瓜廚師沙律餐廳有幾款廚師沙律可以選擇，我哋就揀咗個西班牙嘅沙律😝 火腿嘅鹹香配埋充滿果糖嘅蜜瓜，係一個好match嘅配搭，一份嘅份量都幾多，可以同朋友分享🥗WM手撕豬肉薄餅餐廳嘅pizza預設咗係薄批，個人幾鍾意呢一個脆口薄餅邊似餅乾嘅質感🍕 除咗手撕豬肉之外，薄餅仲有菠蘿、墨西哥辣椒、紫洋蔥、燈籠椒同埋芝士🧀 上碟時熱辣辣，輕鬆做到拉絲效果。WM焗安格斯牛肉醬芝士千層麵配薯蓉唔係度度都有千層麵，因為步驟繁複，自己冇呢個心機整呀，所以見到都會想嗌嚟食。呢度嘅千層麵四周有焗薯蓉，千層麵面頭嘅肉醬係安格斯牛肉醬，不過鍾意多汁嘅我略嫌個汁少咗啲😝 如果再多啲肉醬會開心啲，因為個肉醬味道唔錯。阿華田巴斯克芝士蛋糕一入門口已經俾佢嘅蛋糕櫃吸引咗，呢一晚有成款蛋糕可以揀😮 因為友人好鍾意食巴斯克芝士蛋糕，見到有個呈啡色嘅巴斯克，店員同我哋介紹喺阿華田口味，所以就一於試吓佢🍰 呢度嘅巴斯克做到軟心效果，阿華田口味唔會太甜。離開餐廳嘅時候，見到有唔少一
WM巴馬火腿蜜瓜廚師沙律
餐廳有幾款廚師沙律可以選擇，我哋就揀咗個西班牙嘅沙律😝 火腿嘅鹹香配埋充滿果糖嘅蜜瓜，係一個好match嘅配搭，一份嘅份量都幾多，可以同朋友分享🥗
WM手撕豬肉薄餅
餐廳嘅pizza預設咗係薄批，個人幾鍾意呢一個脆口薄餅邊似餅乾嘅質感🍕 除咗手撕豬肉之外，薄餅仲有菠蘿、墨西哥辣椒、紫洋蔥、燈籠椒同埋芝士🧀 上碟時熱辣辣，輕鬆做到拉絲效果。
WM焗安格斯牛肉醬芝士千層麵配薯蓉
唔係度度都有千層麵，因為步驟繁複，自己冇呢個心機整呀，所以見到都會想嗌嚟食。呢度嘅千層麵四周有焗薯蓉，千層麵面頭嘅肉醬係安格斯牛肉醬，不過鍾意多汁嘅我略嫌個汁少咗啲😝 如果再多啲肉醬會開心啲，因為個肉醬味道唔錯。
阿華田巴斯克芝士蛋糕
一入門口已經俾佢嘅蛋糕櫃吸引咗，呢一晚有成款蛋糕可以揀😮 因為友人好鍾意食巴斯克芝士蛋糕，見到有個呈啡色嘅巴斯克，店員同我哋介紹喺阿華田口味，所以就一於試吓佢🍰 呢度嘅巴斯克做到軟心效果，阿華田口味唔會太甜。
離開餐廳嘅時候，見到有唔少一家大細嚟幫襯，都係間好適合聚會嘅餐廳啊😆
张贴
