波士冰室 (已結業)

上星期去荃湾朋友屋企打机，不知不觉打到天黑，个肚开始叫，坐得太耐，不想叫外卖，反正荃湾咁方便，落去行吓郁动吓看看吃什么好！沙咀道都几多餐厅，我们入咗波士冰室，地方几大，又有卡位，几好！有一样野真系要大大力赞！就系侍应姐姐超级有礼貌，做野又快手，估唔到茶餐餐厅有是日晚餐，包白饭、例汤同热饮！另外都有唔同小菜，焗饭，等等！我哋点咗两个小菜，菠萝生炒骨同埋XO酱菜心炒牛肉，另外仲有咸鱼鸡粒炒饭！首先嚟嘅系XO酱菜心炒牛肉，好够镬气，XO酱好惹味，牛肉又嫩又入味，绝对系可以食多碗饭嘅小菜！去到边谂唔到食咩就会叫菠萝生炒骨，水准好好，佢唔会好多骨冇肉，反正系多肉少骨，仲要份量唔少，两个人食都好够，排骨炸到好脆，我对咕噜骨要求都几高，呢个真系冇失望，肉够腍，汁嘅味道酸甜度、稠度刚刚好，洋葱都好甜，赞！咸鱼鸡粒炒饭粒粒饭分明饱满，多鸡肉，咸鱼粒走过油，脆脆地，有口感！2个人一阵就清晒成碟饭！整体来讲，冰室水准甚高，服务好好，简简单单食得几开心！