影片
更多
2024-06-23
570 浏览
今日又同老窦去食好西，要食中式嘢，佢先肯蒲头，send左几间俾老豆拣，最终呢间川花烤鱼就得到老豆宠幸(讲笑mode)🙈🤣🤣 咁的确老豆都好满意餐饭既😚首先，餐厅嘅环境都几舒服，每张枱相隔都有啲距离，每张枱亦都好阔落，多数都系四人、六人枱，我同老窦两个人坐四人枱，自己觉得都好阔落，就算摆个鸡煲或者烤鱼上枱，都唔会有好迫嘅感觉；同埋餐厅有啲摆设&装饰(有画有花☺️)，空间感足够，仲要有个大玻璃可以望住出面个街景，都真系舒服。店员都好有礼貌，唔该前唔好意思后，我都真系唔好意思啦🙈🙈😂秘制鲍鱼鸡煲（半只） 香辣味（小辣） ($298)佢有得拣原味、剁椒、香辣，担心剁椒会太辣，所以叫左香辣既小辣🙈 (的确唔算辣)味道方面，秘制酱汁好香浓，令到鸡肉同鲍鱼变得更加惹味，绝对可以𩠌两碗饭，连洋葱都好味过人🤤 鲍鱼好鲜易咬又大旧👍🏻 鸡肉鲜嫩多汁，0鞋🤩 份量多到老豆话唔洗叫饭，真系冇呃秤😆凉拌鱼皮 ($58)第一次食掠拌既鱼皮，鱼皮滑嘟嘟亦好弹牙，葱花花生芝麻香油都好match，鱼皮够味，又唔会太浓味，开胃菜一流😆烧牛舌芯（沙嗲汁） ($38)串烧有得拣酱汁要烤汁定沙嗲汁，牛舌芯好大旧，沙嗲味香浓，几好
首先，餐厅嘅环境都几舒服，每张枱相隔都有啲距离，每张枱亦都好阔落，多数都系四人、六人枱，我同老窦两个人坐四人枱，自己觉得都好阔落，就算摆个鸡煲或者烤鱼上枱，都唔会有好迫嘅感觉；同埋餐厅有啲摆设&装饰(有画有花☺️)，空间感足够，仲要有个大玻璃可以望住出面个街景，都真系舒服。店员都好有礼貌，唔该前唔好意思后，我都真系唔好意思啦🙈🙈😂
秘制鲍鱼鸡煲（半只） 香辣味（小辣） ($298)
佢有得拣原味、剁椒、香辣，担心剁椒会太辣，所以叫左香辣既小辣🙈 (的确唔算辣)
味道方面，秘制酱汁好香浓，令到鸡肉同鲍鱼变得更加惹味，绝对可以𩠌两碗饭，连洋葱都好味过人🤤 鲍鱼好鲜易咬又大旧👍🏻 鸡肉鲜嫩多汁，0鞋🤩 份量多到老豆话唔洗叫饭，真系冇呃秤😆
凉拌鱼皮 ($58)
第一次食掠拌既鱼皮，鱼皮滑嘟嘟亦好弹牙，葱花花生芝麻香油都好match，鱼皮够味，又唔会太浓味，开胃菜一流😆
烧牛舌芯（沙嗲汁） ($38)
串烧有得拣酱汁要烤汁定沙嗲汁，牛舌芯好大旧，沙嗲味香浓，几好咬🙂↕️
烧白鳝（沙嗲汁） ($38)
鱼肉好滑嫩，鱼皮好脆🤤btw会想试下烤汁系咩味道🤔
大汉羊肉串 ($20)
有少少羊肉既膻味啦，但系接受到，肉质亦松软好咬😙
冰镇酸梅汤 (1L) ($58)
两个人饮好足够，冰镇酸梅汤带有一份甜味，易入口，冇乜渣，几清热解渴😚
另外，见到隔篱枱食烤鱼，感觉条鱼好新鲜，同埋系即叫即烤，下次会再嚟试烤鱼🤩
结论
🫰环境干净舒服，餐厅出面都有枱
🫰鸡煲好惹味！
⚡️同地铁站有距离，不过行得过👍🏻
好味度：8.5/10
回头度：8/10
餐厅资料
餐厅名称：川花烤鱼
餐厅地址：荃湾大坝街29号安康大厦地舖
营业时间：星期一至日 12:00-00:00
餐厅电话：46784029
张贴
