影片
更多
2024-12-05
155 浏览
收工朋友过嚟揾我食饭拎嘢，我带他去愉景新城牛奶冰室食晚饭，主要系因为唔想畀人催赶，可以慢慢食饭倾下偈。牛奶冰室夜晚餐牌都好多选择，朋友啱啱喺外国返嚟，喺𠮶边好少食蒸鱼，见到二人餐有蒸鱼，一个小菜和两个炖汤，所以我哋点咗呢个，餐桌上角落头贴咗上汤娃娃菜18蚊嘅广告，所以我哋点埋佢，小菜就可以唔使拣有蔬菜的菜式。虽然餐厅鼓励我哋自助落单，但系放工好攰，所以都系揾咗个服务员帮手，佢系一个年青女孩子，态度好好，冇因为我哋叫佢落单，而表现不耐烦。落完单冇几耐，店员为我们送上足料炖汤猴头菇响螺炖鸡汤，单叫都要25蚊，套餐跟埋好抵。炖汤size有两碗饭碗，汤入面有雪梨，虫草花，红枣，猴头菇，响螺，瘦肉，滋阴补肾，香味浓郁。上汤娃娃菜，娃娃菜上面，有炸蒜蓉，红萝卜丝，野菌和杞子，如果刚刚冇饮过炖汤，会觉得娃娃菜上汤还可以，但刚刚饮完材料丰富嘅炖汤，呢个上汤冇可比性。蜜桃咕噜肉，咕噜肉色泽鲜艳，见到胃口大增，一入口外皮松化，肉质弹牙。最喜欢有罐头蜜桃粒，灯笼椒同洋葱做配菜，酸甜美味。 而且食极都有，份量十足。等咗十分钟，清蒸金仓鱼上场，鱼上面有葱花椒丝，洒上熟油，释放鱼嘅鲜味。金仓鱼刚刚熟，鱼肉鲜甜，配
牛奶冰室夜晚餐牌都好多选择，朋友啱啱喺外国返嚟，喺𠮶边好少食蒸鱼，见到二人餐有蒸鱼，一个小菜和两个炖汤，所以我哋点咗呢个，餐桌上角落头贴咗上汤娃娃菜18蚊嘅广告，所以我哋点埋佢，小菜就可以唔使拣有蔬菜的菜式。
虽然餐厅鼓励我哋自助落单，但系放工好攰，所以都系揾咗个服务员帮手，佢系一个年青女孩子，态度好好，冇因为我哋叫佢落单，而表现不耐烦。
落完单冇几耐，店员为我们送上足料炖汤猴头菇响螺炖鸡汤，单叫都要25蚊，套餐跟埋好抵。炖汤size有两碗饭碗，汤入面有雪梨，虫草花，红枣，猴头菇，响螺，瘦肉，滋阴补肾，香味浓郁。
上汤娃娃菜，娃娃菜上面，有炸蒜蓉，红萝卜丝，野菌和杞子，如果刚刚冇饮过炖汤，会觉得娃娃菜上汤还可以，但刚刚饮完材料丰富嘅炖汤，呢个上汤冇可比性。
蜜桃咕噜肉，咕噜肉色泽鲜艳，见到胃口大增，一入口外皮松化，肉质弹牙。
最喜欢有罐头蜜桃粒，灯笼椒同洋葱做配菜，酸甜美味。 而且食极都有，份量十足。
等咗十分钟，清蒸金仓鱼上场，鱼上面有葱花椒丝，洒上熟油，释放鱼嘅鲜味。金仓鱼刚刚熟，鱼肉鲜甜，配上蒸鱼甜豉油，送饭一流，食下食下，白饭见底。
晚餐两个人加埋都系二百零蚊，坐得舒服，干净企理，又冇赶你走，食物质素又好，cp值高。
满分为10分（一分最低，10分最高）
食物：9
环境：9
卫生：9
服务：9
价钱：9
舒适度：9
总分：9
张贴
