莎樂美餐廳

营业中

休息中

心血来潮好想锯扒，谂返起以前食过几次大件夹抵食嘅莎乐美，本喵即刻同老婆起行去锯一锯回味下😋😋一入到去时间尚早唔使等位，同老婆坐地下果层，由于极肚饿嘅关系，就一人一个餐💪🏽🤩餐包够暖唔会冻！不过由于本喵钟意甜，所以如果系甜餐包就perfect啦😫罗宋汤味够浓唔会稀！菜份量足！值得一推！😋本喵就要咗份铁板牛柳餐！一睇相就知份量好够！两旧牛柳大大旧！够牛味，咬落有口感唔会韧，唔会觉得系腌到淋嘅！👍🏽👍🏽薯角正正常常无咩特别🤷🏽‍♂️本喵夫人就叫咗份澳洲T骨扒！一样份量够哂大🤣本喵切嚟试一试佢，肉味好香，一样唔韧但亦都唔会觉得系腌到淋嘅👍🏽👍🏽记得记得，餐系包埋雪糕甜品嘅！总括而然，呢间系一间老牌扒房，一直喺荃湾屹立不倒！港式牛扒风味，而且啲扒大大份，尤其系佢嘅杂扒餐，绝对系一大挑战💪🏽💪🏽P.S. 绝对唔系食service，但至少呢间员工唔会俾面色你睇🎉