皇茶冰室 (已結業)

又到左晚饭时间，经过荃湾路德围附近，见到呢间特别多人排队，一于试下先，好好彩等左十五分钟左右就入座喇！同朋友叫左几道小菜，先嚟一个菠萝生炒骨，排骨炒得相当脆口，酱汁酸酸甜甜，甜酸度刚刚好作为开胃菜非常合适。再嚟一个朋友至爱的鱼香茄子煲，香炒猪肉粒配上大大条juicy的茄子，整个茄子煲好好味佐饭一流。喜欢新鲜虾菜式的我仲叫左一碟美极大碌虾，美极酱油将虾的鲜味激发出来，同样系佐饭之选。另加埋一个餐厅招牌的芝士流心西多，邪恶却引人入胜令人爱不释手，怕唔怕肥都要食左再算！餐厅的特色饮品同样值得推介：奶茶红豆冰味道相当之夹，茶香又不会过甜；雪山朱古力更是必饮之选，非常香浓好味，两杯都值得一试。