樓下冰室 (已結業)

今日去开荃湾买野，突然兴起想食瑞士鸡翼。上openrice见到呢间楼下冰室，好似好正咁，就一于去试下啦。去到见到都好爆场，经理都叫我哋要等一等，不过好快就入到去啦。量好体温之后，就安排我哋坐左系个卡位度，附近都有板格一格开。餐牌啲选择都好多，我哋睇左一轮就叫左几样野。饮品就上枱先，有菠萝冰同绿椰冰。菠萝冰有好多菠萝，仲系新鲜架，唔系开罐头果啲，我食极都食唔晒。而个绿椰冰就系椰汁冰同绿豆蓉，啲蓉都好多下，同埋椰汁饮真系一绝！小食我哋叫左3只瑞士鸡翼同芝士蒜蓉多士，个鸡翼系全翼嚟，亦都好大只下，食落啲肉好滑，啲汁都好入味，正。而个多士就大大块热辣辣上枱，烤得啱啱好，仲好脆。而啲芝士同蒜蓉都俾啲热力溶左，好香好好食。而主食我哋叫左招牌胡椒猪肚滑鸡米线同自家制葱花叉烧滑蛋饭。个米线系惊为天人地大碗，以为两个人食咁。入面啲配料多到食唔晒，而且好重胡椒味，冬天食好正。米线亦都好爽，饮埋啖汤就一绝。而个叉烧蛋饭亦都大大碗，啲蛋同叉烧多到睇唔到啲饭，叉烧入味又软熟，蛋亦都好厚身，饭底仲有豉油，捞埋食好正。最后想一提啲侍应好有礼貌，仲会介绍啲野食，做到无停手都保持到礼貌，咁样埋单都唔驶200蚊，好推荐大