夏麵館 (寶石大廈) (已結業)

荃湾间夏面馆假日真系好爆满，但闲日就唔太多人，所以唔使等就入座，静静地慢慢食都几好，加上座位舒适又够大，的确唔错。鲜肉小笼包 $38价钱合理，皮薄馅靓，要小心夹来食，汤汁满满有鲜肉味，馅料份量刚好肉嫩松化。花雕醉鸡 $66份量好足，鸡只鸡算大只，但肉几滑，口感扎实带点弹，鸡皮十分爽口唔肥，超级入味，好有酒香，连d汁都好好味。蟹粉炒饭 $95好抵食又大份， 蟹粉系另上的，特别分开装，可跟个人喜好，自己加蟹粉落粉饭，好丰盛好满足。每啖饭都连一啖蟹粉，好富贵呀！金黄色的蟹粉有蟹肉丝及蟹膏，味道好浓香，但唔会腻，配爽身粒粒分明的粉饭，唔油腻之余，仲有镬气，味道好好。高力豆沙 $36系我必食甜品，口感轻盈如空气，入口微弹，内馅系幼滑清甜豆沙，个面仲有爆满糖粉，好幸福的甜品，但又唔会腻。