一本‧串里 (已結業)

餐厅系唔太起眼嘅角落，一入去已经见到木系装修落足心思，墙上有日本寺庙、富士山图案，最特别系有棵胶造既樱花树🌸。今次我地主要试餐厅推介嘅餐牌，全部都做紧优惠，超抵食。时令生蚝 $15/只生蚝新鲜，肉质好鲜甜，海水味唔算太重，必试。珍宝赤虾刺身 $12/只Size巨型，望落去已经觉得好新鲜，入口非常爽口鲜甜，亦非常抵食。木板海胆（原板）$88真系原个木板上枱，味道甘甜，可以慢慢享受。特长烧鳗鱼寿司 $30/件鳗鱼长过手掌，表面加咗蒲烧汁，肉质柔软。串烧 今次试咗几款串烧，其中最钟意嘅系特选鸡中翼（$25/串），鸡皮烧得脆身，肉质嫩滑。吉列猪扒饭 $65真系即叫即炸，要预少少等候时间，新鲜嘅吉列猪扒咬落去好香脆，可以加少少酱汁，送饭一流。