泰玖

营业中

休息中

朋友话之前试过荃湾有一间好抵食嘅泰菜，佢推介我叫去试吓，于是放假就同朋友一齐去试吓依间泰菜系咪真系高CP值。餐厅楼高两层，座位都相当阔落。装修行工业风格，都几特别。士多啤梨活性乳酸菌屎乐冰卖相相当打卡，成杯沙冰粉红色，粉粉嫩嫩好有少女感。咁又非常香甜士多啤梨味，沙冰亦都唔会太甜，甜度啱啱好。芒果活性乳酸菌屎乐冰依杯芒果味嘅卖相都好得意，有益力多樽喺沙冰上面做装饰。芒果沙冰味道酸酸甜甜，沙冰中仲有少少芒果肉添！泰玖招牌肉碎生菜包肉碎旁边有好多炸猪皮，口感脆卜卜。肉碎份量真系超级多，所以每块生菜都可以夹超多肉碎都唔怕唔够！肉碎都唔会好油👍🏻肉碎都好惹味，配埋生菜一齐食真系一流！大头虾炒金边粉炒金边粉份量都非常大碟，金边粉份量好多。炒金边粉非常香，一上菜已经闻到阵阵香味。金边粉质感烟靭，食落甜甜地又带少少辣味。大头虾肉质都几新鲜，爽口弹牙。泰式软壳蟹配海鲜汁摆盘非常精美，总共有六小杯，每杯都有半只炸软壳蟹。炸软壳蟹浸喺海鲜汁入边，包住生菜一齐食，味道酸辣相当开胃，而生菜亦都去除炸软壳蟹嘅油腻感，好好食。