亞萊嘜嘜 (已結業)

荃湾都有抵食泰菜，份量够多，味道OK，而且环境算大，坐得舒服。【泰式炸虾饼】即炸够热辣辣，炸得香口松脆，虾胶肉十分弹牙爽口，份量亦好多，最好食好抵食。沾泰式酸甜酱仲滋味。【青咖哩牛】青咖哩有牛、猪、鸡选择，我地拣左牛，微辣咖哩，有较香的咖哩味，牛肉片好大块，肉质比较有咬口，带较多筋位，似茶记的沙嗲牛肉，茄子亦太多，有7-8件，所以唔太多肉。【香蒜包】虽然卖相几好，但外层唔太脆，不过都软熟，蒜味不突出，也被咖哩盖过味道，味道麻麻。【泰式香芒蟹肉炒饭】都几多蟹肉，但没有味，幸好份量多，饭也炒得够宁爽，芒果亦香甜好味，整体也可以的。【珍多椰汁冰】椰奶味超重，绿色jelly好爽滑弹，也有好多，一吸就满口椰汁同jelly，口感丰富。