光榮冰室 (兆和街)

营业中

休息中

荃湾嘅光荣冰室野猪嚟咗好多年，因为以前工作系附近，所以曾经系指定饭堂之一😛但后尾就好一段时间无食荃湾分店，一来因为转工啦，二来荃湾分店有段时间真系几令人失望🥲最近放假路过揾食，醒起好耐无食，加上原来野猪一直未试过光荣嘅下午茶，心谂原先嘅问题隔咗咁耐点都有改善嘅😅心血来潮之下就重临旧地噜🐗其实平时光荣啲午餐常餐都已经好抵食，你哋谂下常餐转出前一丁或辛辣面唔使加钱㖞🫰🏼今次食佢嘅下午茶同样抵X，三、四十蚊，仲要转冻饮唔使加钱㖞🥹巨型猪扒包配沙律或薯角，个包外脆内软真系好好食，另外啲蕃茄再配合埋酱汁，酸酸甜甜，真系好衬块热辣辣嘅猪扒，同时佢块猪扒都好Juicy，唔会炸到好干身，所以食嘅时候要小心漏到一手都系汁。