影片
更多
2021-03-09
234 浏览
下午茶时段（14:30 - 18:00）去食真系抵到烂，所有嘢都系13蚊❗️系13蚊啊❗️宜家仲有边度有得食到，唔系正系点心，连佢啲蒸饭都系一律13蚊。不过我想食点心多啲，所以就冇嗌到蒸饭la。除左下午茶时段之外，佢外卖都有做紧折，好似系6点后五折，唔系好肯定，都好抵食，但系个人觉得下午茶时段最抵🤤 不过果日我平日3点几去到，已经好多人排紧队，排左应该超过半个钟先入到去。如果唔想排咁耐既话，最好早过14:30到定排定先，或者4点几5点先去，应该可以避到啲人流。 讲到呢度既点心，选择都几多，大路嘢好似烧卖虾饺肠粉果啲都齐晒，质素正正常常，唔可以话超好食咁，不过呢个价钱，呢个质素，已经超晒班。我同朋友嗌到成枱𩠌，埋单都系100蚊多啲，食完之后晚餐都食唔落😂不过几搞笑既系，我同朋友两个人去，tick左劲多点心，多到落单个姐姐见到之后都问我地，你地系咪真系食得晒架，食得晒先好嗌wor😂不过我地最后都食得晒😎 必点 💯黑金奶黄流沙包呢个我觉得系全部嘢入面最好食既，净系睇个样都已经觉得好靓，有种高级既感觉😂然后内馅真系有流心既效果，几浓咸蛋黄既咸香，我自己一个人都食左两件。 💯冬茸灌汤饺灌汤饺绝
必点
💯黑金奶黄流沙包
呢个我觉得系全部嘢入面最好食既，净系睇个样都已经觉得好靓，有种高级既感觉😂然后内馅真系有流心既效果，几浓咸蛋黄既咸香，我自己一个人都食左两件。 💯冬茸灌汤饺
灌汤饺绝对系点心皇！平时去饮茶都唔舍得嗌，一件已经计特点。呢度都系13蚊咋，唔系唔嗌阿嘛。灌汤饺系正常发挥，系好食既！啲料都几足！ 💯虾饺皇
呢个真系估唔到！虾饺皮唔会太厚，入面啲虾劲大只劲饱满，食落口好满足！
💯脆皮虾肠粉
唔系间间都有得食，自己本身钟意脆口油炸既嘢，所以见到呢个即刻拣左。佢呢度肠粉既皮就有啲厚，但系呢个脆皮虾肠粉中间有啲炸左既位，配合埋就好好食！ 💯鲜虾炸云吞
又系啲虾大大只，个云吞炸得好脆，亦都唔会炸到好油。
正常发挥
⭕️鲜虾烧卖皇
正常烧卖味，冇咩特别。钟意食烧卖既可以嗌。
⭕️上汤鲜竹卷
食落去有少少爆汁既效果，但系我嫌佢有少少唔够味，味道偏淡。 ⭕️鲜虾菠菜饺
呢个其实都好好食，但系相对个虾饺皇冇咁惊艳既感觉。
⭕️鱼翅饺
我第一次见鱼翅饺呢样嘢😂系咪我见识少。佢又系好足料，入面塞满左猪肉同埋唔知系咪真系鱼翅。系咪都好，系好食既。 ⭕️珍宝虾春卷
一送到黎，个样好靓仔，用一个高身既杯装住。炸得好脆，唔错。 ⭕️芥末海鲜春卷
对呢个期待值好高，本身谂住个芥末味会出啲，但系其实佢入面系好似平时酒楼食果啲入面包住啲菠萝啊沙律酱啊虾既春卷（唔记得呢样嘢系叫咩名😂）差就唔系差既，但系可能我对佢太期待。
⭕️蜜汁叉烧肠
叉烧肠系我去饮茶必嗌既点心。碟叉烧肠同另外果碟肠粉都系，佢系滑既，但系个皮过厚，不过对我黎叉烧肠又好难唔好食既。
可以唔洗嗌
❌上素腐皮卷
呢个真系麻麻地，啲馅料系好食既，但系真系炸得太太太油la，同埋个人觉得个皮有啲淋。又淋又油😨 总括黎讲呢间点心店，个人觉得非常抵食，钟意食点心钟意饮茶既话，绝对推荐黎试。
张贴
