Ideas Dessert (已結業)

等左咁耐，终于约齐一班好友入荃湾试呢间平民版嘅京林屋，就系呢间抹茶出晒名好食嘅ideas，小店标榜系用山政小山园嘅抹茶粉去做宇治金时 - 大大杯嘅抹茶雪糕，味道香浓带少许回甘，配上好有咬口嘅白玉，红豆就甜左少少，不过配埋雪糕食就刚刚好。牛奶可可 - 呢到除左抹茶出名，佢地嘅牛奶雪糕都做得唔错，因佢地系用北海道3.6牛奶去整嫁，加上朱古力脆皮酱，好正！招牌宇治雪山 - 故明思意就系抹茶刨冰，配料有红豆，椰果，白玉丸子，抹茶雪糕，刨冰上嘅抹茶汁仲系呢间小店自家整嫁，怪不得每一口刨冰都系好香浓嘅抹茶味！翡翠冰岛 - 翡翠其实系讲紧果d一粒粒抹茶啫喱，味道依然好香抹茶味佢地每一样抹茶甜品都好好食，食到好满足！巨人雪山 - 哗哗哗，一上枱真系好震撼，份量真系好大份，足足多三四个人食。呢个刨冰上面全部都系生果，有西瓜，蜜瓜，哈蜜瓜，菠萝，橙，蓝莓，芒果，火龙果，样样都好新鲜好味！最惊喜嘅系，食到底原来都仲有野食，下面仲有一球雪糕同凉粉，真系估你唔到！草莓千层酥 - 酥皮焗到好香脆，吉士好滑，配埋一齐食，好正！大满足丫，呢到每一款都好好味，个个都食到饱晒！听闻黎紧佢地有新甜品出，有机会要再黎试下。