影片
更多
2018-02-16
95 浏览
唔知大家朋友之间会唔会有揾食团之类嘅群组？而我大专时期就有一个「拉面团」，朋友会专登寻觅唔同区嘅拉面铺逐间食。虽然好耐无活动，但偶尔见到唔同嘅拉面铺都会习惯一试。 今日介绍嘅呢间拉面铺，位于大窝口熊猫酒店商场，而B1就即系落一层。由于接近黄昏时间，趁未多人先解决咗晚餐先，所以店内唔算太多人。睇睇餐牌个人觉得唔算太贵，基于都饿嘅原因，所以有得加钱就加，想食就叫。所以最后叫咗两碗拉面加溏心蛋同汽水、另再加饺子同一个冷菠菜。另外一提，叫拉面时如果有指定想要汤底同面嘅硬度，记得下单前要同侍应讲埋啊！否则店家会按照原定嘅猪骨汤落单。最先到系头盆嘅冷菠菜，预期嘅水准，出乎意料嘅份量。其实本人平时不喜欢食菠菜，但之前试过其他餐店都系用麻酱木鱼配冷菠菜嘅配搭后，变得容易入口，而且食后有开胃嘅感觉！其后二人所叫嘅拉面及额外加嘅溏心蛋都同时上枱，真系大惊喜，无谂到份量都几多。我柯打嘅系「豚软骨拉面・酱油汤底」，而男友个碗系「叉烧拉面・味噌汤底」，两个汤底对比过后，二人都一致觉得「酱油汤底」浓厚啲好味啲。拉面嘅份量都算多，而且颇粗身，所以饱肚感极高。然而呢到嘅豚软骨及叉烧都唔孤寒，多肉之余，豚软骨炆得够林够
今日介绍嘅呢间拉面铺，位于大窝口熊猫酒店商场，而B1就即系落一层。由于接近黄昏时间，趁未多人先解决咗晚餐先，所以店内唔算太多人。
睇睇餐牌个人觉得唔算太贵，基于都饿嘅原因，所以有得加钱就加，想食就叫。所以最后叫咗两碗拉面加溏心蛋同汽水、另再加饺子同一个冷菠菜。
另外一提，叫拉面时如果有指定想要汤底同面嘅硬度，记得下单前要同侍应讲埋啊！否则店家会按照原定嘅猪骨汤落单。
最先到系头盆嘅冷菠菜，预期嘅水准，出乎意料嘅份量。其实本人平时不喜欢食菠菜，但之前试过其他餐店都系用麻酱木鱼配冷菠菜嘅配搭后，变得容易入口，而且食后有开胃嘅感觉！
其后二人所叫嘅拉面及额外加嘅溏心蛋都同时上枱，真系大惊喜，无谂到份量都几多。我柯打嘅系「豚软骨拉面・酱油汤底」，而男友个碗系「叉烧拉面・味噌汤底」，两个汤底对比过后，二人都一致觉得「酱油汤底」浓厚啲好味啲。拉面嘅份量都算多，而且颇粗身，所以饱肚感极高。
然而呢到嘅豚软骨及叉烧都唔孤寒，多肉之余，豚软骨炆得够林够入味，唔会觉得难嚼；而叉烧小试咗一片，唔系平时食开过瘦嘅叉烧，大片且厚度适中，分布有少少脂肪，易于入口。
两碗面都值得推荐，只系个人觉得豚软骨既多肉，又有软骨两种口感，拉面里仲有半只溏心蛋，很抵食啊！多叫个份溏心蛋，每只水准一样，但一次吃咁多只都太多了。下次我都要慎重考虑下系咪有需要叫多份。
最后自家制手包饺子都到埋，所有食物到齐。饺子馅多，皮唔算太厚，食得出系真・自家制饺子，而且煎至金黄皮脆，所以影完张相，计都唔倾衬热食就啱喇。
总结，整体个人觉得食物水准唔差，且拉面价钱相宜。吃个便饭之选！
张贴
