摩登堂 (荃灣廣場)

营业中

休息中

路过见到呢间泰式餐厅装修几靓星期五都几多人等位，一于试吓首先呢个鸡髀咖喱炸面 第一眼望落去非常吸睛鸡锤都几大只 酱汁比较洁身浓郁咖喱香食捞面嚟讲好正 面头炸面 仲有面底份量都几多然后系呢个炆猪手 炆得非常非常腍身冇牙都食到！味道亦都非常美味可口平时唔太钟意食猪皮嘅我都食咗好多觉得应该要嗌多碗饭，送饭一流见有咖喱汁就嗌埋个蒜蓉包嚟食有惊喜！外脆内软好香口再加一个芝士虾卷 系忌廉芝士 亦都新鲜滚热饮品方面劲惊泰式奶茶会好似正宗泰国𠮶啲咁甜到黐线 嗌咗少甜 果然系港式味道 甜到啱啱好仲叫咗份泰式椰子雪糕 有凉粉椰奶粟米花生焦糖多士相对几甜 份量十足 两个人食到捧住个肚走