摩登堂 (荃灣廣場) (已結業)

经常都会来荃湾嘅我哋，见到呢间开左无几耐食泰菜新店，初初见到啲评价麻麻地，有保留，见呢排多咗好评，朋友又话想试下，好啦，就俾次机会呢间新店，点知。。。有惊喜佢都几多款式，有齐主食，特色野饮，甜品，一次真系试唔晒。八点后 野饮仲买一杯 第二杯半价 我哋叫咗个 鲜芒生椰杨枝甘露 仲可以选择要唔要冰同甜度 非常好，少甜刚刚好唔会好甜 有新鲜芒果肉 好清新，清甜，不错。佢碟 马拉盏炒通菜 劲大碟 好啱我呢啲唔食得辣嘅人食 咸香咸香 唔会辣同太咸 味道刚刚好。叫咗碗，河内鸡丝扎肉汤河 好大碗 份量十足 重点系佢配嘅酱 捞埋一齐食 简直系绝配 辣辣地 劲好味 一定要加埋一齐食。最后嗌咗个小食 炭烧蜂蜜酱烤猪颈肉 猪颈肉超淋 烤得刚刚好 份量都不少 差点食唔晒整体都唔错，下次可以试其他，今次太饱，都未试到佢嘅甜品。