波士冰室 (已結業)

前几日见到荃湾开咗呢间新嘅冰室，我就约咗朋友一齐去食晚饭，依家好流行冰室，所以我哋都去凑下热闹。见到呢个十大必食嘅餐牌，所以我哋都叫咗呢啲嘢食。呢个系瑞士鸡翼，卖相都好吸引，而且颜色仲整得好够色水，味道非常入味，不过佢个瑞士鸡翼系偏咸啲嘅，而且连入面嘅肉都有味。呢个系焗猪扒饭，份量真系非常之大，而且块猪扒差唔多有我两只手板咁大，焗得好香，而且猪扒整得好软熟，蕃茄汁味道酸酸甜甜，加埋个炒底嘅饭，好开胃。我哋仲叫咗个炸鸡比薯条，炸鸡髀都系好大只，热辣辣咁，每啖都啖啖肉，又香又脆。