青沐 台·料理

营业中

休息中

位于乐悠居的Food court，见佢新开张，于是第一时间就去试试，叫咗最基本嘅香菇鲁肉饭，试台湾菜最紧要试咗鲁肉饭先。58大元，价钱感觉还可以，但期待值随著等待时间慢慢下降……前后等咗半个钟，忍唔佳问问店员，佢答我即刻整，之后我睇住佢原来根本唔使煮，所有配料都系直接预先整好，直接𢳂落去就搞掂.其实依个做法系好正常嘅，但唔好要我等半个钟吖嘛，Ok唔紧要嘅，如果个饭好好食嘅话我都觉得值得等你𢳂半个钟嘅，但返到屋企打开一睇，我心情即刻沈咗下饭量算系够嘅，但啲鲁肉个份量我就真系笑出声，公平啲讲味道系Ok嘅，食得出菇味系入哂落啲油香到，但如果你话依个份量要收我58蚊嘅话，我就觉得唔多值啦我相信今次只系因为佢地新开张，营运流程未完善到，所以咁啱漏咗我单，但如果以价钱同份量对比嘅话，我谂末必会再谂依间噜。