牧羊少年咖啡館 (已結業)

身为荃湾人，最留意就系荃湾开咗咩新餐厅~ 位于荃湾大会堂前身的社企餐厅，摇身一变做咗“牧羊、少年”，太子同葵芳都已经帮衬过，印象都唔错，一于藉著假日去帮衬下啦～星期日下午12点半左右到达，全场一半满，坐下后亲切的侍应拎左餐牌俾我哋，仲同我哋讲家阵开业优惠，凭order餐牌意粉，包类等可免费送一杯$40以下饮料~叫咗“英式咸牛肉中东包”+“烤杏仁拿铁咖啡”及“拿破仑烟猪腿意粉”+“士多啤梨芒果鲜打绿茶”个包材料都丰富，有蕃茄，紫洋葱，生菜同份量颇多既咸牛肉，味道都唔错，可惜个包唔热，如果烘一烘会更好配料既薯条新热热辣，沙律菜亦新鲜🖒意粉味道普通，无太大惊喜，系猪腿都颇多，但下次不会再叫，会试下其他食物😆烤杏仁拿铁咖啡，全餐最满意，水准高士多啤梨芒果鲜打绿茶，味道清新，适合不饮咖啡的我，但略嫌饮唔到芒果味开张优惠包饮品立即抵晒环境唔错，相信自己日后一定会再光顾PS. 店舖仲鼓励大家捐赠书籍及可以$5购买店内书籍，爱阅读既朋友可以留意下