瀛喜日本料理 (已結業)

妈咪好钟意食放题，一早bk左今晚带佢去食！近近地就系路德围果间瀛喜放题，我bk左5:15，两位同行一位半价，另外要加一，咁就354蚊两位，系bk位时个职员已经讲定！其实都几平丫！比起旺角既放题，埋单都要二百几蚊个啦！妈咪最钟意食刺身，刺身都叫左两转，仲有炸物，寿司，一口料理，焗带子，沙津等等！我地唔贪心食几多点几多！大致上都ok既，我就揾左几款觉得应该要点黎食既食物既介绍下！刺身都好新鲜，都系算切得厚，甜虾好鲜甜！焗扇贝，外层有芝士，入面有沙津酱！好好味！炸物紫芋波，外脆内软，有浓浓既紫芋蓉，唔会塞得太full太甜太溜～炸蚝都好味，粉唔会太厚！炸鸡翼！必食！好香口，加埋芝麻上去炸！好香芝麻味！必食