DENIM CAFE (已結業)

试了很多cafe或有优质咖啡的餐厅，今日呢间系我会再去，而且系当中整体评分最高的一间。这间以牛仔裤做主题的Cafe, 在入口旁边的墙架摆设已经非常别致，天花挂了一筒一筒的牛仔裤也很特色，环境舒适，令人放松。我同太太点了两个节日set, 食物质素唔错，南瓜汤完全冇味精，猪扒厚得嚟唔会太硬或太肥，卡邦尼意粉够creamy。 除咗主食，当然还有指定动作: 有奶咖啡，可能因为最近再回头的cafe也令我佷失望，呢杯俾到我特别惊喜，豆好香，有点偏苦，拉花维持到用餐后都唔泻。有位美女待应表现出色，在用餐时已经听到隔离枱食客当面赞佢靓，结帐时佢首先就问甜品上咗未，够窝心，我忍唔住赞杯咖啡好好饮，仲问有冇豆卖，佢反应好快: 我哋虽然冇卖，但系会同老板反映吓，佢唔讲我仲以为佢系老板，靓女待应好多时都在宜家嘅Cafe, 通常都系得个样，有这种服务态度同质素，应该系第一次见。做到咁嘅价钱，有咁高整体评分，系胜于大部分同类型Cafe(荃湾区内应该冇对手), 物超所值。