一品雞煲火鍋

营业中

休息中

一品鸡煲天寒地冻，梗系打边炉啦，先食鸡煲，后打边炉。人生一大乐事！喺荃湾最钟意食嘅鸡煲，每次食都好满意，分量又大，又唔贵。一大班人，最啱就系叫一只鸡煲。虽然开咗分店，但系最钟意都系二坡坊第一间正店。记得以前系大排长龙，因为而家开咗太多分店嘅关系，同埋加上有其他嘅竞争对手，所以今晚七点几嘅时候都唔需要等位。主角终于出场啦，虽然系小辣，但系食落都几辣，啲鸡肉好嫩滑，食完个鸡煲之后仲可以打边炉，个肥牛真系非常正，牛展份量真系吓人一跳。仲有各样嘅丸都好好味，虾滑，墨鱼滑都非常弹牙。食鸡煲最适合就系一大班人，倾吓计，饮杯啤酒。赏心乐事。